متابعة/ نانسي سعيد
“لما بنتي ماتت كانت حاجة صعبة اوووي واكتر حاجة وجعتني اتولدت واقعدت في حضانة شهرين تلاتة واتوفيت دفنتها في الترب بتاعتنا صحرا كدة في الفيوم وهي حاجة صغيرة كدة وهي تمشي وتسيبها ربنا ما يكتبها على حد انا في مشهد في مسلسل منعطف خطر استحضرت حالات من موقف دفن بنتي”تابع الفنان باسم سمرة حديثه عن بعض الفنانين في برنامج واحد من الناس مع الاعلامي محمود الليثي “انا اشطر من احمد السقا هو في حتة وانا في حتة شاله دوري في ابراهيم الابيض علشان وجودي كان هيعمل قلق””انا بعتبر ريهام عبد الغفور رقم واحد في تمثيل وهي وش الخير عليا لان عملت انا وهي مسلسل الريان كسرنا الدنيا وبردوه مسلسل منعطف خطر حلو اووي بروده فيلم الغابة خدنا جايزة احسن ممثل انا وهي فهي ممثلة رائعة وانا بحبها وبعتز بالشغل معاها”باسم سمرة ينصح محمد رمضان “الراجل ناجح مش محتاج نصيحة هو طيب جدا وشخص خير وطريقته تشبه لاعبي البوكس في امريكا ممكن تعمل استفزاز لكن عملتله تارجت ومشاهدات وهو شايف طريقه كدة””نيللي كريم كانت لسه في البدايات وكانت لسة لذيذة واستفادت مني ومن انتصار نيللي كانت داخلة وفكرانا من عالم اخر مكنتش مصدقة ان فيه كدة يعني بعدها بقت نجمة عظيمة وبتطور علشان كانت بتعمل باليه وعندها ايقاع بس احنا كنا شاغلين انا وانتصار ونيللي قاعدة مش عارفه اقول كلمتين على بعض في مسلسل بنت اسمها ذات”تحدث عن اضطهاده في افلام الاكشن”بيختاروني دايما في افلام الي فيها عنف وموتوني في فيلم الجزيرة لانه انا لو كملت كنت هعقدهم كلهم في البيت علشان شاطر طبعا وحذفوا دوري في ابراهيم الابيض علشان نفس السبب” تابع باسم سمرة حديثه عن فيلم احاسيس “كان عندي فيلم حلو اووي اسمه احاسيس كان فيه بوس وكدة وكان عامل شغل جامد بس كان احمد عزمي الي بيبوس مش انا”
